U Łatvii druhi dzień zapar nie fiksujecca novych vypadkaŭ karanavirusa
Za minułyja sutki ŭ Łatvii nie vyjaŭlena novych vypadkaŭ zachvorvańnia na COVID-19, śviedčać źviestki Centra prafiłaktyki i kantrolu zachvorvańniaŭ, piša Delfi.lv
Za sutki ŭ Łatvii praviedziena 695 testaŭ, za ŭvieś čas — 128 145.
U cełym COVID-19 za ŭvieś čas (z sakavika) vyjaŭleny ŭ 1097 čałaviek, vyzdaravieli — 845, pamierli - 28.
Vynikaje, što ŭ Łatvii 581 vypadak na karanavirus na 1 młn čałaviek. U Biełarusi — 5 712 vypadkaŭ na 1 młn. Pryčym u Łatvii robicca 67 912 testaŭ na 1 młn, u Biełarusi — 77 654.
A voś dola śmiarotnaści u Łatvii u dva razy nižejšaja za Biełaruś: 15 vypadkaŭ na 1 młn, suprać 33 na 1 młn u nas.
Usiaho pa dadzienych Nacyjanalnaj słužby achovy zdaroŭja Łatvii, zaraz u špitalach znachodzicca siem čałaviek z karanavirusam: u šaści pacyjentaŭ stan siaredniaj ciažkaści, adzin čałaviek u ciažkim stanie.
Kamientary