Fota Nadziei Bužan

Fota Nadziei Bužan

Pretendent na pasadu prezidenta Juryj Hubarevič asudžany na 15 sutak aryštu. Pra heta jon paviedamiŭ u svaim fejsbuku.

«15 sutak za praviadzieńnie pikieta pa zbory podpisaŭ. Roŭna stolki admieryŭ mnie siońnia sud Pieršamajskaha rajona Minska.

Pišu pra heta nie z kamiery na Akreścina tolki tamu, što pakinuŭ zału sudovaha pasiadžeńnia nie čakajučy vyraku. Prysutnyja ŭ kalidory patencyjnyja kanvairy trochi ašaleli, ale ničoha nie mahli zrabić, bo farmalnaha rašeńnia na toj momant nie było.

Ja razumieju, što na fonie pieraśledu inšych pretendentaŭ u kandydaty maja historyja nie samaja vyklučnaja. Ale tolki ŭdumajciesia: davać administratyŭny aryšt za toje, što źviartaŭsia da hramadzian i zaklikaŭ padyści da pikieta, kab pastavić podpis. Hetyja «vybary» dakładna ŭvojduć u historyju», — napisaŭ kiraŭnik Ruchu «Za Svabodu».

Nahadajem, što 18 červienia pikiet pa zbory podpisaŭ za alternatyŭnych kandydataŭ sabraŭ stolki ludziej, što čarha salidarnaści vyciahnułasia ad Fiłarmonii na płoščy Jakuba Kołasa da płoščy Niezaležnaści, a aŭtamabili na praśpiekcie sihnalili ŭ znak salidarnaści.

Клас
0
Панылы сорам
0
Ха-ха
0
Ого
0
Сумна
0
Абуральна
0