U akciora Michaiła Jafremava, jaki znachodzicca pad chatnim aryštam paśla DTZ sa śmiarotnym vynikam, adbyŭsia sardečny prystup. Pra heta zajaviŭ jaho advakat Elman Pašajeŭ, paviedamlaje mk.ru.
Pa słovach Pašajeva, artystu stała drenna minułaj nočču. Jaho siamja chacieła vyklikać chutkuju dapamohu, ale Jafremaŭ adhavaryŭ blizkich. Ranicaj 25 červienia akcioru stała lepš, adnak niedamahańnie prymusiła jaho admovicca ad płanaŭ naviedać mahiłu maci — u hety dzień była hadavina jaje śmierci.
Pašajeŭ paviedamiŭ, što Jafremaŭ znachodzicca «ŭ pryhniečanym stanie». Akramia taho, pieražyvańniaŭ artystu dadała krytyka z boku dački Hanny-Maryi, jakaja ŭ sacyjalnych sietkach rezka vykazałasia ab žadańni akciora ŭsynavić dziaciej zahinułaha paśla DTZ Siarhieja Zacharava.
Rasijski akcior Michaił Jafremaŭ ździejśniŭ śmiarotnaje DTZ, jamu pahražaje da 12 hadoŭ turmy
