U Minsku zatrymali błohiera, jaki patelefanavaŭ u milicyju i spytaŭsia, jak nie apynucca ŭ aŭtazaku
Błohiera i ŭdzielnika prajekta obzoor.by Ivana Prusa, pavodle infarmacyi Telegram-kanała «Otčiśleno», zatrymali ŭ piatnicu kala 17:00. Pryčynaju staŭsia zvanok u Maskoŭski RUUS, dzie jon sprabavaŭ daviedacca: jak treba siabie pavodzić na vulicy, kab nie apynucca ŭ aŭtazaku. Videazapis razmovy nabraŭ bolš za 8 tysiačaŭ prahladaŭ, piša belsat.eu
«Kali koratka: nie turbujciesia, anikoha anidzie ŭ aŭtazaki nie zabirajuć. Tak što možna rassłabicca i spać spakojna. A milicyja ŭžo pakłapaciłasia ab našym spakoi», — padvioŭ jon vynik.
Zaraz Ivan znachodzicca ŭ IČU na Akreścina, a ŭ paniadziełak jaho čakaje sud pavodle art. 17.1 KaAP RB (drobnaje chulihanstva).
Hetuju infarmacyju «Biełsatu» paćvierdzili i ŭdzielniki prajektu obzoor.by.
«Tak, Vaniu zatrymali. Jon na Akreścina. Zaraz šukajem jamu advakata i adpraŭlajem telehramy ŭ IČU, kab jon nie sumavaŭ», — paviedamili nam.
Taksama jany raspaviali, što Ivana zatrymali niedzie ŭ horadzie, mahčyma, za im sačyli.
Paśla brutalnaha razhonu čarhi da kramy Symbal.by u Miensku šmat chto ź biełarusaŭ pačaŭ telefanavać u RUUS i pytać, jak znachodzicca na vulicy i nie być zatrymanym. Adnak Ivan — pieršy čałaviek, jakoha zatrymali praz heta.
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary