Fota Nadziei Bužan
15 lipienia ŭ rajonnych sudach Minska pačynajecca razhlad administracyjnych spraŭ zatrymanych napiaredadni ŭdzielnikaŭ akcyi suprać nierehistracyi kandydatami na post prezidenta Viktara Babaryki i Valeryja Capkały, piša spring96.org.
«Viasna» vałodaje źviestkami pra bolš za 240 zatrymanych u Minsku. Častku ź ich vyzvalili albo biez pratakołaŭ, albo z pratakołami pa art. 23.34 KaAP (udzieł u niesankcyjanavanym masavym mierapryjemstvie) i 23.4 KaAP (niepadparadkavańnie supracoŭnikam milicyi), jašče častku pakinuli ŭ izalatary da suda.
Viadomyja dva prysudy. U sudzie Centralnaha rajona Dźmitryj Chałupka i Pavieł Kryvicki atrymali pa 10 sutak aryštu.
Dźmitryj Anciepovič (Zavodski rajon) atrymaŭ 1080 rubloŭ štrafu, Jaŭhien Krakasievič (Frunzienski rajon) 1350 rubloŭ štrafu), Dźmitryj Harbačyk (Kastryčnicki rajon) (1080 rubloŭ). Ivan Bialko — 13 sutak.
