Babrujskija ideołahi patrabujuć, kab miascovy partał vydaliŭ materyjały na temu vybaraŭ
«Bobrujskij kuŕjer» atrymaŭ z harvykankama piśmovaje patrabavańnie prybrać z sajta piać videarolikaŭ pra sioletniuju vybarčuju kampaniju. U advarotnym vypadku u dačynieńni partała pahražajuć raspačać administracyjnuju spravu, paviedamlaje BAŽ.
Dakumient padpisany načalnicaj adździeła ideałahičnaj raboty i pa spravach moładzi Taćcianaj Harbačovaj.
U materyjałach, vydaleńnia jakich patrabuje Babrujski harvykankam, utrymlivajucca ekspres-intervju z haradžanami pa pytańniach, datyčnych vybaraŭ i kandydataŭ u prezidenty. Hetyja materyjały adździeł ideałahičnaj pracy, vidavočna, adnosić da daśledavańniaŭ hramadskaj dumki, bo abhruntoŭvaje zahad źniać z sajta siužety nastupnym:
«Praviadzieńnie daśledavańniaŭ i apublikavańnie vynikaŭ apytańniaŭ hramadskaha mierkavańnia, datyčnych hramadska-palityčnaj situacyi ŭ krainie, respublikanskich refierendumaŭ, vybaraŭ Prezidenta Respubliki Biełaruś, deputataŭ Pałaty pradstaŭnikoŭ, čalcoŭ Savietu Respubliki Nacyjanalnaha Schodu Respubliki Biełaruś, mahčyma tolki pry atrymańni akredytacyi ŭ Kamisii pa apytańniach hramadskaha mierkavańnia pry Nacyjanalnaj akademii navuk Biełarusi».
A za praviadzieńnie takich apytańniaŭ biez hetaj akredytacyi zakanadaŭstvam praduhledžanaja adkaznaść pavodle art. 9.28 KaAP Respubliki Biełaruś (niezakonnaje praviadzieńnie apytańniaŭ hramadskaj dumki).
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary