Śviatłana Cichanoŭskaja zapatrabavała vystupić u parłamiencie 3 žniŭnia — jak i Łukašenka
![](http://nnexpictures.fra1.digitaloceanspaces.com/img/w732d4webp1/photos/z_2020_07/chinanouskaja_dai5_200727-ey9tb.jpg.webp)
Pra heta paviedamlaje telehram-kanał Viktara Babaryki.
«Vybarčy kodeks — najvažniejšy dakumient. Zhodna z artykułam 74, usie kandydaty ŭ prezidenty z momantu ich rehistracyi majuć roŭnaje prava vystupać na pieradvybarnych i inšych schodach, naradach. U tym liku, pa dziaržaŭnym telebačańni.
Tamu siońnia, 28 lipienia, Śviatłana Cichanoŭskaja nakiravała svoj zvarot z prośbaj vystupić na pasiadžeńni pazačarhovaj siesii Nacyjanalnaha schodu. Na toj ža siesii, dzie 3 žniŭnia, pierad pačatkam daterminovaha hałasavańnia, sa svaim pasłańniem budzie vystupać Łukašenka», — źviartaje ŭvahu štab Babaryki.
«Jon taksama znachodzicca ŭ statusie kandydata, a zhodna z artykułam 73, usie kandydaty ŭ prezidenty vałodajuć roŭnymi pravami i niasuć roŭnyja abaviazki. My vykazvajem svajo mierkavańnie, ź jakim treba ličycca. Razam — pieramožam», — havorycca ŭ paviedamleńni.
Kamientary