Padstavaj dla abviaržeńnia stała infarmacyja, jakaja prajšła ŭ ŚMI, sa spasyłkaj na spravazdaču departamienta ekspartnaha kantrolu MZS Rumynii, z ukazańniem, što «ŭ studzieni-sakaviku 2020 hoda Biełaruś pastaviła ŭ ZŠA tranzitam praz Rumyniju bojeprypasy na 1,42 młn jeŭra».
«Dziaržkamvajenpram jak respublikanski orhan dziaržaŭnaha kiravańnia, jaki adkazvaje za raspracoŭku i realizacyju asnoŭnych napramkaŭ dziaržaŭnaj palityki ŭ śfiery vajenna-techničnaha supracoŭnictva z zamiežnymi dziaržavami i ekspartnaha kantrolu, aficyjna zajaŭlaje, što Respublika Biełaruś nijakich pastavak bojeprypasaŭ, u tym liku dla palaŭničaj i spartyŭnaj zbroi, u Złučanyja Štaty Amieryki ŭ 2020 hodzie nie ažyćciaŭlała», - havorycca ŭ paviedamleńni na sajcie DVPK.
Pry hetym u Kamitecie adznačyli, što «kali b takija pastaŭki i ažyćciaŭlalisia, to heta ni ŭ jakaj miery nie supiarečyła b zabaronam i abmiežavańniam na pastaŭki ŭzbrajeńniaŭ, jakija ŭvodziacca rezalucyjami Savieta Biaśpieki AAN, jakija Biełaruś niaŭchilna vykonvaje». «Nakolki nam viadoma, u dačynieńni da dziaržaŭ-siabraŭ ES i ZŠA Saviet Biaśpieki AAN sankcyj nie ŭvodziŭ», - dadali ŭ viedamstvie.
Tam taksama padkreślili, što «ŭsie pastaŭki ŭzbrajeńniaŭ i vajennaj techniki ažyćciaŭlajucca biełaruskim bokam u strohaj adpaviednaści z nacyjanalnym zakanadaŭstvam i mižnarodnymi abaviazacielstvami».
U Kamitecie taksama zajavili, što ŭ Respublicy «stvorana nadziejnaja sistema ekspartnaha kantrolu, jakaja dazvalaje efiektyŭna praduchilać lubyja sproby niezakonnych pastavak uzbrajeńniaŭ i vajennaj techniki, uklučajučy lohkuju i strałkovuju zbroju».
