Ad 1 žniŭnia va Ukrainie pačała dziejničać novaja kłasifikacyja krain «zialonaj» i «čyrvonaj» zon, jakaja vyznačaje nieabchodnaść samaizalacyi abo zdačy testu paśla viartańnia z-za miažy, taksama ŭstupili ŭ siłu novyja praviły viartańnia, piša https://www.eurointegration.com.ua.
Z hetaha času ŭ «čyrvony śpis» Ukraina ŭklučaje dziaržavy, dzie kolkaść novych vypadkaŭ na 100 tysiač nasielnictva za apošnija 14 dzion pieravyšaje anałahičny pakaźnik va Ukrainie. Abo kali pryrost kolkaści infikavanych u ich za apošnija 14 dzion pieravyšaje anałahičny za minułyja 14 dzion na 30%. Raniej Ukraina brała pad uvahu kolkaść aktyŭnych chvorych z karanavirusam na 100 tysiač nasielnictva.
Ministerstva achovy zdaroŭja Ukrainy ŭ subotu ranicaj apublikavała abnoŭleny śpis dziaržaŭ «zialonaj» i «čyrvonaj» zony.
U krainy «zialonaj» zony ŭvajšli Ukraina, a taksama takija dziaržavy, jak Šviecyja, Partuhalija, Charvatyja, Biełaruś, Vialikabrytanija, Turcyja, Słavienija, Jehipiet i Italija.
U «čyrvonuju zonu» ŭvajšli Kitaj, Vienhryja, Hruzija, Hiermanija, Čechija, Bałharyja, Ałbanija, Čarnahoryja, Polšča, Francyja, Rasija.
Pa novych praviłach ad 1 žniŭnia ludzi, jakija pryjazdžajuć z krainy «zialonaj zony», biez samaizalacyi i biez praviadzieńnia testaŭ prachodziać na terytoryju Ukrainy.
Usie, chto prybyŭ va Ukrainu z «čyrvonaj zony» abaviazany abo pajści na 14 dzion u izalacyju, abo na praciahu sutak zdać PCR-test, abo pryjechać na terytoryju Ukrainy ŭžo z hatovymi vynikami testavańnia, zroblenaha nie paźniej čym za 48 hadzin da momantu pierasiačeńnia miažy.
Zamiežniki pry ŭjeździe pavinny mieć polis miedycynskaha strachavańnia.
