Abjadnanyja demakratyčnyja siły Biełarusi (ADS) płanujuć pačać padrychtoŭku antykryzisnych ahitataraŭ.
Pra heta 20 krasavika na pres‑kanfierencyi ŭ Minsku paviedamiŭ lider Abjadnanaj hramadzianskaj partyi Anatol Labiedźka.
«Hetyja ludzi buduć nie tolki dobra viedać pałažeńni Antykryzisnaj płatformy ADS, ale i zdolejuć prapahandavać jaje siarod nasielnictva. Jak minimum u vialikich haradach my takich ludziej padrychtujem», — skazaŭ palityk.
Pavodle słoŭ Labiedźki,
tolki za 20 dzion krasavika vydana 200 tysiač asobnikaŭ haziet z materyjałami ab Antykryzisnaj płatformie ADS.«Kali ŭličyć, što adnu hazietu čytaje, jak praviła, niekalki čałaviek, to 700—800 tysiač čałaviek zmahli aznajomicca z Antykryzisnaj płatformaj ADS», — skazaŭ palityk. Pavodle jaho mierkavańnia, heta «niadrenny pakazčyk».
Najbližejšym miesiacam, paviedamiŭ Labiedźka,
u ADS płanujuć nadrukavać prykładna 500 tysiač ulotak i brašur ź infarmacyjaj ab Antykryzisnaj płatformie demsił.
Hety dakumient byŭ pryniaty 13 sakavika na pasiadžeńni prezidyuma palisavieta ADS. Antykryzisnaja płatforma składajecca z troch častak. U pieršaj dajecca acenka ciapierašniaj situacyi ŭ ekanomicy. U druhoj źmieščany pieralik pieršačarhovych mier, u tym liku pa debiurakratyzacyi, jakija nieabchodna pryniać najbližejšymi miesiacami. Treciaja častka dakumienta tyčycca važniejšych kirunkaŭ novaha ekanamičnaha kursu, raźličanaha na pieryjad ad troch da piaci hadoŭ. Abjadnanyja demsiły prapanujuć vyrašyć šerah stratehičnych zadač, u liku jakich — pravavaja, administracyjnaja, padatkovaja, biudžetnaja i kredytnaja padtrymka zbałansavanaha raźvićcia ekanomiki, a taksama paskoranaje ŭkaranieńnie infarmacyjnych technałohij u śfieru kiravańnia.
