U Kalinkavičach usim, chto prahałasuje daterminova, abiacajuć biaspłatnyja kvitki ŭ kino i na batut
U Kalinkavičach ludziej stymulujuć hałasavać daterminova — naŭzamien hołasa prapanujuć biaspłatna kvitki ŭ kino, na batut i ŭ dziciačy pakoj, paviedamlaje Tut.by.
Hetuju abjavu sfatahrafavali na dźviarach kinateatra «Znamia» ŭ Kalinkavičach, dzie z učorašniaha dnia raźmiaściŭsia taksama i ŭčastak dla hałasavańnia № 7.
U kinateatry TUT.BY paćvierdzili: «Tak, prychodzicie, hałasujecie i atrymlivajecie bilet. Adzin hołas — adno zaprašeńnie. Možacie adrazu ź dzietkami prychodzić ź dziesiaci da dvuch i z čatyroch da siami», — vietliva zaprasili ŭ kasie kinateatra.
Staršynia Kalinkavickaj rajonnaj kamisii pa vybarach prezidenta Alena Dziarhač paviedamiła, što ab takoj inicyjatyvie na ŭčastku joj ničoha nie viadoma. A potym vykazała zdahadku: «Moža być, i ŭ asnoŭny dzień vybaraŭ budzie takaja akcyja, adkul vy viedajecie?»
Kali tak, to heta, viadoma, dobra. Hałoŭnaje, kab kinateatr «Znamia» vytrymaŭ 9 žniŭnia napłyŭ usich žadajučych.
Darečy, u pieršy dzień daterminovych vybaraŭ, pa dadzienych CVK, na Homielščynie rekordny pracent jaŭki, u paraŭnańni ź inšymi rehijonami — u rehijonie 4 žniŭnia prahałasavała 7,55% vybarščykaŭ.
Ciapier čytajuć
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ7
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1818
Kamientary