Adbyłasia telefonnaja razmova Alaksandra Łukašenki z prezidentam Ukrainy Uładzimiram Zialenskim. Ab hetym BIEŁTA paviedamili ŭ pres-słužbie biełaruskaha kiraŭnika.
Kiraŭniki dziaržaŭ abmierkavali raźvićcio dvuchbakovych adnosin, padrychtoŭku da praviadzieńnia vosieńniu ŭ Hrodnie III Forumu rehijonaŭ Biełarusi i Ukrainy. Adznačana nieabchodnaść prykłaści maksimum namahańniaŭ dla taho, kab hetaje mierapryjemstva dało važkija praktyčnyja vyniki, pasłužyła aktyvizacyi supracoŭnictva.
Alaksandr Łukašenka i Uładzimir Zialenski taksama abmierkavali epidemijałahičnuju situacyju ŭ krainach, miery pa baraćbie z raspaŭsiudžvańniem karanavirusu, abmianialisia nazapašanym u hetym płanie vopytam.
Havorka taksama išła pra ŭzmacnieńnie pamiežnaha kantrolu na biełaruska-ŭkrainskaj miažy i aktyvizacyi ŭzajemadziejańnia pamiž pahraničnymi viedamstvami.
Uładzimir Zialenski zakranuŭ u razmovie pytańnie ab zatrymanych u Biełarusi bajevikach.
Jon prainfarmavaŭ, što jany ŭdzielničali ŭ bajavych dziejańniach na Danbasie, i ŭkrainskaja prakuratura viadzie rasśledavańnie pavodle hetych faktaŭ. Alaksandr Łukašenka ŭ svaju čarhu adznačyŭ, što pravaachoŭnyja orhany buduć supracoŭničać pa hetym pytańni ŭ ramkach padpisanych z Rasijaj i Ukrainaj mižnarodnych pahadnieńniaŭ.
Pres-słužba ŭkrainskaha lidara dadaje, što Łukašenka i Zialenski padrabiazna abmierkavali pytańni, źviazanyja z zatrymańniem bajevikoŭ. «Adznačana važnaść dalejšaha efiektyŭnaha ŭzajemadziejańnia kampietentnych orhanaŭ dźviuch dziaržaŭ, u pryvatnaści ŭ kantekście pieradačy Ukrainie asob, jakija padazrajucca ŭ terarystyčnaj dziejnaści na terytoryi našaj dziaržavy.
Uładzimir Zialenski vykazaŭ pierakanańnie, što datyčnym da dziejańniaŭ niezakonnych farmavańniaŭ na Danbasie nie ŭdasca paźbiehnuć spraviadlivaha pakarańnia.
«Spadziajusia, što ŭsie padazravanyja ŭ terarystyčnaj dziejnaści na terytoryi Ukrainy buduć nam pieradadzienyja dla pryciahnieńnia da kryminalnaj adkaznaści zhodna ź dziejnymi mižnarodna-pravavymi dakumientami», — skazaŭ kiraŭnik Ukrainskaj dziaržavy.
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary