Fota Kaciaryny Štukinaj, kp.ru
Sproby biełaruskich uładaŭ vylepić z Rasii vobraz voraha i z dapamohaj hetaha damahčysia palityčnaha vyniku vykličuć sumnyja nastupstvy. Pra heta papiaredziŭ namieśnik staršyni Rady biaśpieki Rasii Dźmitryj Miadźviedzieŭ, pieradaje «RIA Naviny».
Pa jaho słovach, rasijska-biełaruskija adnosiny stali drobnaj raźmiennaj manietaj u chodzie vybarčaj kampanii. «A dalej choć trava nie raści abo hary ŭsio sinim połymiem. Usio adno, raźbiaremsia z hetymi ruskimi. I heta vyklikaje nie tolki pačućcio kryŭdy, ale heta vielmi sumna», — skazaŭ Miadźviedzieŭ.
Napiaredadni Alaksandr Łukašenka papraknuŭ Rasiju ŭ tym, što jana źmianiła braterskaje staŭleńnie da respubliki na partniorskaje. Pry hetym jon padkreśliŭ, što krainy ŭsio roŭna zastanucca najbližejšymi sajuźnikami.
