Łukašenka siońnia prahałasavaŭ na vybarčym učastku.
Jon raskazaŭ, što za noč u krainu nie ŭpuścili kala 170 čałaviek, hramadzian Ukrainy i Polščy. Ale byli i rasijanie, jakija nie mahli patłumačyć metu ŭjezdu.
«Pucin učora skazaŭ: my ŭ adnym čoŭnie. Nie budziem razhojdvać jaho — usio budzie narmalna», — kaža Łukašenka.
«Z-pad kantrolu ničoha nie vyjdzie. Heta ja vam harantuju. Heta hałoŭnaja zadača dziejučaj ułady, nie tolki prezidenta», — skazaŭ Alaksandr Łukašenka.
Vykazaŭsia jon i nakont intehracyi.
«Nacyjanalizm i nacyjanalnyja intaresy pieravažali i pieravažajuć. Intehracyjnyja struktury spracavali ahidna. Vy ŭbačyli niejkaje adzinstva? Pandemija pakazała — spadziavacca treba na siabie!» — adkazaŭ kiraŭnik krainy.
Łukašenka skazaŭ, što heta kampanija była adnoj z samych składanych.
