Mitrapalit Minski i Zasłaŭski, Patryjaršy Ekzarch usioj Biełarusi Pavieł zaklikaŭ Alaksandra Łukašenku zrabić usio, kab spynić hvałt, piša Tut.by
- Ja prašu Alaksandra Ryhoraviča Łukašenki, jaki źjaŭlajecca našym harantam, zrabić usio, kab spynić hvałt. Ja dumaju, heta možna zrabić. U toj ža čas ja zaklikaju našych hramadzian nie padbuchtorvać. Ja zaklikaju malicca. Raić my nie možam, ale my možam prasić. My prosim kiraŭnictva krainy spynić hvałt. Tamu što hvałt tolki sparadžaje hvałt. Davajcie zrobim usio mahčymaje, kab śviet zapanavaŭ na našaj ziamli, — zajaviŭ jon na cyrymonii zakładki kapsuły ŭ padmurak chrama prapadobnaha Sierafima Saroŭskaha na vulicy Bialeckaha ŭ Minsku.
Mitrapalit nahadaŭ, što nabližajecca śviata Pieramianieńnia Haspodniaha, heta «padstava stać dabrej, znajści ŭ sabie niešta drennaje, zajzdroślivaje, źviarnucca da Boha, kab źmianicca».
Mitrapalit Pavieł zaklikaje nikoha nie asudžać, a «uśviedamlajučy svaju słabuju čałaviečuju istotu, źviarnucca da Boha za dapamohaj».
— Nielha nikoha asudžać, žadać złoje. Ale na žal, my bačym hvałt u našym hramadstvie, abureńnie ludziej. Ludzi chočuć, kab ich hołas pačuli, a chtości vykarystoŭvaje heta ŭ karyślivych palityčnych metach. Dva dni tamu ja źviartaŭsia da žurnalistaŭ, a taksama da tych, chto prybyŭ u Biełaruś ź niadobrym namierami, kab pakinuli nas, kab dali nam šaniec samim budavać svajo žyćcio.
