Alaksandr Milinkievič: Pieraškodaŭ bolš niama. Zastałosia tolki ŭsim aktyŭna pracavać na karyść kaalicyi, a značyć na karyść Biełarusi
«Abjadnanyja demakratyčnyja siły ŭpieršyniu paśla vybaraŭ dasiahnuli surjoznaha prahresu», - zajaviŭ Alaksandr Milinkievič, kamientujučy pryniaćcio Palityčnaj Radaj ADS «Asnoŭnych nakirunkaŭ dziejnaści abjadnanych demakratyčnych sił na pieryjad lipień 2006-lipień 2007 hoda».
- Pryniaty nadzvyčaj važny dakumient. Ciapier ja nie baču pieraškodaŭ dla dalejšaj pracy kaalicyi, možna nie tolki iści napierad, ale navat i biehčy. Vielmi spadziajusia, što my zdolejem adpracavać stračany čas i davier ludziej. Heta cudoŭnaja mahčymaść dla realizacyi ambicyj asobnych lideraŭ, jakija tarmazili dziejnaść abjadnanych demakratyčnych sił. Spadziajemsia, narešcie, možna čakać aktyŭnaha ŭdziełu ŭ pracy na karyść Biełarusi ŭsich kaalicyjantaŭ. Meta ŭ nas ahulnaja – viarnuć Biełaruś na šlach demakratyi, i heta razumiejuć usie, - adznačyŭ Alaksandr Milinkievič.
Nahadajem, što Palityčnaja Rada ADS na pasiedžańni 27 červienia pryniała «Asnoŭnyja nakirunki dziejnaści» na pieryjad lipień 2006-lipień 2007 hoda. Dakumient ułučaje ŭ siabie dziesiać nakirunkaŭ dziejnaści, jakija abjadnanyja demakratyčnyja siły ličać najbolš važnymi na akreśleny pieryjad.
U dakumiencie idzie havorka ab nakirunkach pracy pa delehitymizacyi režymu, praryvie infarmacyjnaj błakady, abaronie ludziej ad represij, masavych akcyjach pratestu, dałučeńni da abjadnanych demakratyčnych sił novych udzielnikaŭ, mižnarodnaj dziejnaści, stvareńni pazityŭnaha vobraza demakratyčnaj Biełarusi dy inš.
