Aŭtary novaha internet‑prajekta «Kazki biełaruskija» raźličvajuć na sotni naviedvalnikaŭ štodnia.
Aŭtary novaha internet‑prajekta «Kazki biełaruskija» raźličvajuć na sotni naviedvalnikaŭ štodnia.Jany śćviardžajuć, što ničoha padobnaha niama nie tolki ŭ Internecie — dobrych kazak na biełaruskaj movie nie staje i na palicach knižnych kramaŭ.
— Ideja była davoli prostaja: zrabić dziciačy partał dla biełaruskamoŭnych siemjaŭ, — kaža adzin z arhanizataraŭ internet‑resursu «Kazki biełaruskija» Źmicier Razachacki. — A hałoŭny pryncyp: pa adnoj kazcy kožny dzień. Pryčym heta buduć i tvory biełaruskich aŭtaraŭ, i pierakłady suśvietna viadomych tvorcaŭ, i narodnyja kazki.
Jašče adna admietnaja rysa sajta — malunki, jakija supravadžajuć narodnyja i litaraturnyja tvory.
Jość i inšyja raździeły, cikavyja baćkam i ich dzieciam, — prymaŭki, konkursy, scenki, aniekdoty, zahadki, skorahavorki, kałychanki, prypieŭki, ličyłki, roznyja dapamožniki dla baćkoŭ i šmat inšych cikavych materyjałaŭ.
Źmicier Razachacki raskazvaje, što ideja stvaryć sajt pryjšła zvyčajnym baćkam, jakija vychoŭvajuć svaich dziaciej jak śviadomych biełarusaŭ. Ni dla kaho nie sakret, što jakasnaj litaratury dla dziaciej na rodnaj movie nie staje, tamu i byŭ prydumany voś taki alternatyŭny chod. Tym bolš što ŭ internecie biełaruskamoŭnaja dziciačaja tematyka pradstaŭlena vielmi ścipła: nie chapaje stanoŭčaj pazityŭnaj biełaruskamoŭnaj infarmacyi.
— My płanujem pryciahnuć jak maha bolej naviedvalnikaŭ, — kaža Źmicier Razachacki. —
Miarkujem navat chadzić pa ŭsich dziciačych sadkach i raskazvać vychavacielnicam pra naš sajt. Spadziajemsia, što «Kazki biełaruskija» zacikaviać usich maleńkich biełarusaŭ.Navat tym, chto nie razmaŭlaje pa‑biełarusku, ale, mahčyma, dziakujučy voś takomu tvorčamu padychodu spryčynicca da rodnaj movy.
U žyćci sajta zaprašajuć paŭdzielničać i naviedvalnikaŭ: jany mohuć rehistravacca i pakidać svaje kazki, artykuły, dumki.
— Chočacca zhrupavać koła ludziej, jakim cikavaja biełaruskaja kazka, jakija vychoŭvajuć svaich dziaciej pa‑biełarusku i mohuć padzialicca svaim vopytam, ‑‑ dadaje Źmicier Razachacki.
Kamientary