Žurnalistaŭ Tut.by Nadzieju Kalininu i Alaksieja Sudnikava, «Kamsamolskaj praŭdy» ŭ Biełarusi» Mikitu Dubaleku, Maryju Elaševič, Siarhieja Ščohaleva i žurnalista BiełaPAN Andreja Šaŭluhu, zatrymanych 1 vieraśnia na akcyi ŭ Minsku, pavieźli na Akreścina. Sud nad imi praciahniecca 3 vieraśnia.
Žurnalisty byli zatrymanyja ŭviečary 1 vieraśnia. Amal sutki našy kalehi znachodzilisia ŭ RUUS Kastryčnickaha rajona. Noč jany praviali ŭ aktavaj zale, spali na kresłach. Ich spravy razhladaŭ sud. Rašeńnie pa ich spravach pakul nie pryniata. Spravy adpraŭlali na dapracoŭku.
Žurnalisty byli paznačanyja kamizelkami i bejdžami «Presa». Adnak ich zatrymali la stadyjona «Dynama» dla pravierki dakumientaŭ, a paźniej skłali pratakoł za ŭdzieł u «niesankcyjanavanym mitynhu». Ciapier im pahražaje štraf abo administracyjny aryšt da 15 sutak.