Demanstranty ŭ Minsku prachodziać pad budynkam z nadpisam «Minsk — horad-hieroj». Fota Nadziei Bužan
U Minsku bolš za 100 tysiač demanstrantaŭ siońnia znoŭ prajšli praz uvieś centr horada.
Heta adbyłosia, niahledziačy na maksimalnuju za čas pratestaŭ prysutnaść siłavikoŭ na vulicach.
Jak i ŭ minułuju niadzielu, łukašenkaŭcy masava zatrymlivali pratestoŭcaŭ na etapie zboru i razychodžańnia. Kolkaść zatrymanych stanie viadomaja paźniej.
U Breście milicyja ŭžyła suprać demanstrantaŭ haz i stralała ŭ pavietra.
U MUS patłumačyli, što stralali śviatłošumavym patronam. «Byŭ vykarastany śpiecyjalny srodak karabin sa śviatłošumavym patronam dla praduchileńnia napadaŭ na supracoŭnikaŭ milicyi», — patłumačyła pres-sakratar Ministerstva.
Demanstranty ŭ Hrodnie. Fota Svaboda.org
«Maršy salidarnaści» adbylisia ŭ Mahilovie, Hrodnie, Viciebsku, Homieli, Žodzinie, Lidzie, Vaŭkavysku, Navahrudku, Smarhoni, inšych haradach.
Žorstki razhon demanstrantaŭ adbyŭsia ŭ Homieli.
Pažyłaja žančyna saromić AMAP u Homieli płakatam «Ułada biez zakona jość bandaj». Fota Svaboda.org
Ahulnaja kolkaść zatrymanych u Biełarusi za čas pratestaŭ pieravysiła 11 800 čałaviek, što składaje 0,12% ad nasielnictva krainy. Heta bolš, čym było internavana ŭ Polščy časoŭ «Salidarnaści».
Tam za pieryjad vajennaha stanovišča byli internavanyja 10 123 čałavieki.
U Hrodnie siarod zatrymanych była ciažarnaja žančyna.
Bolšaja častka kredytu $500 miljonaŭ, jaki Biełaruś atrymaje pa linii Jeŭrazijskaha fondu stabilizacyi i raźvićcia (JEFSR), pojdzie na pahašeńnie doŭhu ŭ $330 miljonaŭ pierad rasijskim «Hazpramam». Pra heta zajaviŭ ministr finansaŭ Rasii Anton Siłuanaŭ.
Viktar Łukašenka ŭziaŭ udzieł u biełaruska-rasijskim motaprabiehu.
Pavieł Łatuška paviedamiŭ, što rychtujecca čystka dypkorpusa i Ministerstva zamiežnych spraŭ. Majuć być zvolnienyja jašče 30 dypłamataŭ.
