BiełTA
Alaksandr Łukašenka pryniaŭ siońnia z dakładam staršyniu Dziaržaŭnaha mytnaha kamiteta Juryja Siańko, pieradaje BIEŁTA.
«Pierš za ŭsio ja chacieŭ by litaralna ŭ dvuch słovach pačuć ab vynikach pracy vašaha viedamstva, kab u razrezie praz mytnyja słužby acanić situacyju ŭ našaj ekanomicy. Vy razumiejecie, što mytnia — heta ŭ bolšaj stupieni, čym inšyja viedamstvy, lusterka našaj ekanomiki. Jakija ŭ nas jość vuzkija miescy? Jak my raźvivajemsia ŭ hetych składanych umovach suśvietnaha kryzisu, źviazanaha pierš za ŭsio z pandemijaj? I što, z vašaha punktu hledžańnia, treba zrabić u najbližejšy čas, kab utrymać ekanomiku ŭ hetym hodzie?» — paznačyŭ niekalki pytańniaŭ Alaksandr Łukašenka.
Jon taksama pacikaviŭsia situacyjaj na miežach ź Litvoj, Łatvijaj, Polščaj i Ukrainaj.
«Asabliva što tyčycca dźviuch bałtyjskich dziaržaŭ — Litvy i Łatvii. Jak vy mnie dakładvajecie, amal 40% hruzavikoŭ sioleta iduć ź Litvy i Łatvii. Heta vielizarny abjom. Kali my voźmiemsia za hety patok, to łahistyčnyja punkty Litvy niedaatrymajuć dzieści čverć», — adznačyŭ kiraŭnik dziaržavy.
