Аляксандр Лукашэнка прыняў сёння з дакладам старшыню Дзяржаўнага мытнага камітэта Юрыя Сянько, перадае БЕЛТА.
«Перш за ўсё я хацеў бы літаральна ў двух словах пачуць аб выніках працы вашага ведамства, каб у разрэзе праз мытныя службы ацаніць сітуацыю ў нашай эканоміцы. Вы разумееце, што мытня — гэта ў большай ступені, чым іншыя ведамствы, люстэрка нашай эканомікі. Якія ў нас ёсць вузкія месцы? Як мы развіваемся ў гэтых складаных умовах сусветнага крызісу, звязанага перш за ўсё з пандэміяй? І што, з вашага пункту гледжання, трэба зрабіць у найбліжэйшы час, каб утрымаць эканоміку ў гэтым годзе?» — пазначыў некалькі пытанняў Аляксандр Лукашэнка.
Ён таксама пацікавіўся сітуацыяй на межах з Літвой, Латвіяй, Польшчай і Украінай.
«Асабліва што тычыцца дзвюх балтыйскіх дзяржаў — Літвы і Латвіі. Як вы мне дакладваеце, амаль 40% грузавікоў сёлета ідуць з Літвы і Латвіі. Гэта велізарны аб'ём. Калі мы возьмемся за гэты паток, то лагістычныя пункты Літвы недаатрымаюць дзесьці чвэрць», — адзначыў кіраўнік дзяржавы.
«Размаўляў увесь час па-беларуску». Павел Севярынец запісаў свой першы зварот пасля вызвалення18
Каментары