1 kastryčnika biełarusy atrymali sms-paviedamleńni ad MUS ab tym, što jany «ŭstanoŭleny jak parušalniki paradku praviadzieńnia masavych mierapryjemstvaŭ», a ich dziejańni zafiksavana fotavideazapisam, piša kp.by.
U ludziej paŭstała šmat pytańniaŭ. Naprykład, ź jakoj metaj rassyłalisia takija sms? Jak milicyja identyfikavała pratestoŭcaŭ? Ci buduć takija paviedamleńni prychodzić jašče?
Karystalniki sacsietak stali abmiarkoŭvać, što takija sms atrymali navat tyja, chto nie byŭ na akcyjach pratestu. Kab daviedacca adkazy na hetyja pytańni, «Kamsamołka» źviarnułasia pa kamientar u MUS.
— Atrymańnie takoha sms-paviedamleńnia — heta papiaredžańnie dla hramadzian ab niedapuščalnaści ŭdziełu ŭ niezakonnych masavych mierapryjemstvach.
Śpis abanientaŭ, jakim nakiravali sms, byŭ sfarmavany z vykarystańniem techničnych mahčymaściaŭ pravaachoŭnikaŭ pa identyfikacyi asoby, — kaža pres-sakratar MUS Volha Čamadanava. — Tamu nie vyklučana, što takija sms-paviedamleńni mahli pastupać tym, chto niedatyčny da niesankcyjanavanych masavych mierapryjemstvaŭ.
U hetym vypadku my prynosim prabačeńni. Ale ŭ bolšaści svaim heta adnosiłasia vyklučna da tych, chto ustalavany jak udzielnik masavaha mierapryjemstva. I dla hetych ludziej paviedamleńnie ad MUS źjaŭlajecca papiaredžańniem. Naša meta — papiaredzić, a nie adrazu składać na čałavieka administracyjny pratakoł.
— Buduć jašče prychodzić biełarusam sms ad MUS?
— U MUS nie vyklučajuć, što rassyłka budzie praciahnutaja. Usio zaležyć ad apieratyŭnaj abstanoŭki. Sms-paviedamleńni — heta previentyŭnaja miera. Ludzi pavinny być infarmavanyja. Nie ŭsie čytajuć telehram-kanały i viedajuć sankcyju artykuła 23.34 KaAP RB «Parušeńnie paradku arhanizacyi abo praviadzieńnia masavych mierapryjemstvaŭ». (Minimalnaje pakarańnie — papiaredžańnie, štraf, maksimalnaje — administracyjny aryšt).
