Piataha listapada, za adzin dzień u sudzie Žabinskaha rajona była razhledžanaja kryminalnaja sprava 17-hadovaha Jelisieja Kuźniacova, jaki abvinavačvaŭsia ŭ tym, što kinuŭ butelku z haručaj sumieśsiu ŭ milicejskuju mašynu, paviedamlajuć pravaabaroncy.
Kryminalnaja sprava była zaviedziena pa dvuch artykułach Kryminalnaha kodeksa: artykule 295-3 (Niezakonnyja dziejańni ŭ dačynieńni da pradmietaŭ, paražajučaje dziejańnie jakich zasnavana na vykarystańni haručych rečyvaŭ) i artykule 364 (Pahroza ŭžyvańnia hvałtu ŭ dačynieńni da supracoŭnikaŭ orhanaŭ unutranych spraŭ).
Incydent, pa jakim sudzili Kuźniacova, adbyŭsia 11 žniŭnia ŭ haradskim parku Žabinki. Chłopiec całkam pryznaŭ svaju vinu, akramia taho jon napisaŭ jaŭku z pavinnaj i jašče da suda raskajaŭsia ŭ zroblenym. Na sudzie adznačyŭ, što dziejničaŭ tady pad upłyvam emocyj.
Dziaržabvinavaŭca Taćciana Žarynava (pamočnica prakurora Žabinkaŭskaha rajona) prasiła pryznačyć Jelisieju pakarańnie ŭ vyhladzie dvuch z pałovaj hadoŭ abmiežavańnia voli biez nakiravańnia ŭ papraŭčuju ŭstanovu («chatniaja chimija»).
Sud Žabinkaŭskaha rajona ŭ toj samy dzień vynies mienavita taki prysud.
Łukašenka ŭpieršyniu źjaviŭsia na publicy razam z mamaj Koli37
Kamientary