Sud Frunzienskaha rajona Minska pakaraŭ 25-hadovaha inžyniera-prahramista 4 hadami źniavoleńnia ŭ kałonii ahulnaha režymu, paviedamlaje spring96.org.
U subotu 5 vieraśnia 25-hadovy inžynier-prahramist Pavieł Mankinienka pryjšoŭ ź bieł-čyrvona-biełym ściaham da narodnaha miemaryjała Alaksandru Tarajkoŭskamu na vulicy Prytyckaha.
Praz 10 chvilin da jaho padyšli dva milicyjanty. Kab uniknuć zatrymańnia, Pavał pyrsnuŭ u ich z hazavaha bałončyka i kinuŭsia naŭcioki. Adnamu milicyjantu haz trapiŭ u vočy. Druhi dahnaŭ Mankinienku na prystupkach padziemnaha pierachodu. Usčałasia tuzanina, jany ŭdvoch pavalilisia i skacilisia pa schodach.
Tady Mankinienku ŭdałosia vyrvacca i ŭciačy. Ale praz tydzień jaho zatrymali.
U apošnim słovie Pavał Mankinienka skazaŭ, što na voli moža prynieści značna bolš karyści hramadstvu, čym u turmie. Adnak sudździa Andrej Mlečka adpraviŭ jaho na 4 hady ŭ kałoniju ahulnaha režymu.
