BiełTA
Alaksandr Łukašenka abiacaje, što na nastupnym tydni buduć raskrytyja padrabiaznaści tych tem, jakija abmiarkoŭvajucca a ŭ telehram-kanałach, piša BiełTA.
Jaho spytali ab sprobach praź internet «uskałychnuć Biełaruś». Pry hetym zakranajuć viadomych ludziej.
«Kali ty namiakaješ na apošnija źlivy ŭ telehram-kanałach, asobnyja razmovy, pieramovy, źviazanyja z hibiellu hetaha chłopca [Ramana Bandarenki].. Kali heta, to ja tabie pavinien skazać i ŭsim: nie čas, paciarpicie troški, na nastupnym tydni ŭsio raskažam. Paviercie, budzie vielmi cikava», — skazaŭ jon.
Łukašenka adznačyŭ, što hetyja ŭkidy robiacca admysłova napiaredadni čarhovaj niadzieli. «Voś siońnia hetaha chłopca chavajuć. Jany pad heta chacieli sabrać masu ludziej. Praŭda, treba addać naležnaje svajakam, skazali: nie, stop, chłopcy, dziakuj, dapamahli i inšaje, my chočam jaho pachavać spakojna, pa-chryścijansku, — skazaŭ jon. — Navat kataliki (jon pravasłaŭny), kab zaciahnuć hetuju pracesiju ŭ centr, u Čyrvony kaścioł prapanoŭvali. Dobra, ja kažu, što jość razvažnyja ludzi. Tam u siamji skazali: nie leźcie, dajcie nam razabracca. Idzie žudasny cisk. Pad heta jany chacieli sabrać ludziej».
«Nie atrymałasia, siamja admoviłasia. A jak? Treba niešta ŭkinuć. Ukinuć. Tut stop da nastupnaha tydnia. Usio budzie dałožana vam u lepšym vyhladzie — što adbyłosia, jak adbyłosia, chto heta arhanizoŭvaŭ i hetak dalej. Na vaša ździŭleńnie, budzie cikava», — dadaŭ jon.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)