Učora ŭ sietcy źjaviłasia videa, na jakim mokry mužčyna raspaviadaje pra toje, što jon, uciakajučy ad siłavikoŭ, skoknuŭ u kanał za Nacyjanalnaj biblijatekaj, kab paźbiehnuć hvałtu. Adnak u vyniku jaho dastali i zapisali rolik, piša Tut.by.
Heta byŭ viadomy biełaruski lohkaatlet-šmatborac Mikałaj Šubianok. Jon vystupaŭ za zbornuju Biełarusi pa lohkaj atletycy ŭ 2004-2013 hadach, čempijon Univiersijady ŭ Białhradzie, trochrazovy pieramožca Kubka Jeŭropy ŭ kamandnym zaliku, udzielnik letnich Alimpijskich hulniaŭ u Piekinie. Majstar sportu Respubliki Biełaruś mižnarodnaha kłasa.
— Sa mnoj usio dobra, dziakuj. Atrymaŭ pa śpinie i hałavie ad AMAPa — ad jakoha ŭciok, a druhi bus vysadziŭ, chutčej za ŭsio, moładź [z častki] 3214, jakija na śviežaka mianie dahaniali. Ja vyrašyŭ skakać u vadajom za biblijatekaj — heta mianie vyratavała, jany dastali mianie z vady z prabitaj hałavoj, ja ŭvieś dryžeŭ i, mabyć, pabajaŭšysia, pieradali chutkaj.
A voś jak apisała toje, što adbyłosia dalej, jaho susiedka Natalla.
— Dobra, što jaho ŭčora zabrała chutkaja. U Natašy (mabyć, u inšaj susiedki, jakaja apynułasia pobač) byli dadatkovyja štany na 2 pamiery bolš, jakija idealna padyšli Kolu. U jašče adnaho susieda było nadzieta 2 bajki, adnu ź jakich jon addaŭ jamu. A jašče ŭ adnoj byli druhija ciopłyja škarpetki, jakija spatrebilisia.
Paźniej Mikałaju pryvieźli suchoje adzieńnie ŭ balnicu, i jon źjechaŭ adtul.
