U stalicy Belhii skončyłasia pasiedžańnie kruhłaha stała pra stanovišča ŭ Biełarusi. Jaho praviała kiraŭnica specyjalnaj rabočaj hrupy ŭ spravach Biełarusi Parlamienckaj asamblei ABSE Ŭta Capf.
Pieršy sakratar CK Partyi kamunistaŭ (Biełaruskaj) Siarhiej Kalakin nazvaŭ u interviju našamu radyjo debaty «skamiečanymi». Jon ličyć, što heta adbyłosia z-za pavodzinaŭ aficyjnaj delehacyi Nacyjanalnaha schodu. Pavodle pradstaŭnika apazycyi, biełaruskija deputaty na pačatku dyskusii zajavili par toje, što jany śpiašajucca na inšuju sustreču. I heta pryviało da peŭnaha sumburu. Prynamsi, Siarhiej Kalakin z-za abmiežavanaści času tak i nie atrymaŭ mahčymaści vykazać svaje mierkavańni.