Paśla 15 hadoŭ pracy z homielskaha ŭniviersiteta «pa pahadnieńni» bakoŭ syšła vykładčyca. U vieraśni joj dali štraf pa 23.34
Staršy vykładčyk HDTU im. Suchoha Taćciana Jufanava syšła z VNU «pa pahadnieńni bakoŭ». Nieaficyjnaja pryčyna — udzieł u akcyi pratestu i administracyjnaje pakarańnie pa 23.34. Hamialčanka raspaviała historyju «Mocnym Navinam».
Taćciana Jufanava sama kaliści skončyła HDTU, pryčym z adznakaj. Zastałasia ŭ VNU, 15 hadoŭ vykładała na kafiedry «Pramysłovaja ciepłaenierhietyka». Letam, kaža, prajaviła hramadzianskuju aktyŭnaść — była ŭ inicyjatyŭnaj hrupie Viktara Babaryki, na vybarach — naziralnikam ad «Sumlennych ludziej». Za heta na pracy nie cisnuli.
— Pačałosia jašče ŭ mai, kali byŭ zbor podpisaŭ. Nu, a potym u lipieni my syšli ŭ adpačynak. Va ŭniviersitecie, moža, i viedali [ab dziejnaści], ale ničoha nie kazali.
U kancy vieraśnia staršy vykładčyk atrymała štraf pa 23.34 za ŭdzieł u niadzielnaj akcyi. Z 1 śniežnia Taćciana Jufanava bolš nie pracuje ŭ VNU.
— Pačałosia ŭsio, kali Łukašenka vystupiŭ i skazaŭ, što va ŭniviersitetach treba pazbaŭlacca ad nienadziejnych vykładčykaŭ. Tady pačali pahavorvać pra tłumačalnyja. U listapadzie ŭsio stała zrazumieła, mnie dazvolili dapracavać da kanca miesiaca. Ja nie čakała i nie płanavała zvalniacca, ale była hatovaja da hetaha. Niepryjemna, što tak vykidvajuć. Usio ž taki 5 hadoŭ vučoby i 15 hadoŭ pracy ŭ adnoj VNU.
Taćciana — enierhietyk pa śpiecyjalnaści. Kaža, vykładčykam pracavać užo nie budzie, mahčyma, pojdzie ŭ inšuju halinu.
— Ni pra što nie škaduju. Vieru, što ŭsio ŭ nas budzie dobra.
-
Łukašenka: Pryjšoŭ čas viarnucca na šlach narmalizacyi adnosin Biełarusi i ZŠA
-
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
-
«Adnu mianie pryvodzić u šalenstva, što za miažoj ja vyklučna IrYna?» Biełaruska aburajecca tranśliteracyjaj u pašparcie ź biełaruskaj movy
Ciapier čytajuć
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu2
Kamientary