Pra heta paviedamlaje vydańnie «Prajekt» sa spasyłkaj na dvuch nie źviazanych pamiž saboj infarmavanych surazmoŭcaŭ i mieniedžara adnoj ź dziaržkampanij.
Žurnalisty praanalizavali źviestki pieralotaŭ samalota śpiecyjalnaha lotnaha atrada «Rasija», jakim karystajecca prezident RF, i aficyjnyja pres-relizy Kramla ab pracoŭnych sustrečach. Na sajcie Kramla śćviardžałasia, što 2 listapada Pucin hutaryŭ pa videasuviazi sa školnikami sa svajoj rezidencyi ŭ Nova-Aharovie, adnak, pa słovach krynic «Prajekta», ludzi, jakija zabiaśpiečvajuć pracu Pucina, u toj dzień znachodzilisia ŭ Sočy. 3 listapada samalot vylecieŭ z Sočy ŭ Sankt-Pieciarburh, dzie Pucin ahladaŭ ledakoł «Viktar Čarnamyrdzin».
Vydańnie pryjšło da vysnovy, što ŭ Pucina jość dva adnolkavyja kabiniety — u Sočy i ŭ Padmaskoŭi. Jany pabudavanyja dla taho, kab chavać jaho miescaznachodžańnie, śćviardžaje vydańnie. Pavodle źviestak «Prajekta», prezident RF znachodzicca na Čornym mory prynamsi z kanca leta, choć aficyjna paviedamlajecca, što jon u Padmaskoŭi.
Sustreča Pucina sa staršynioj praŭleńnia Banka VTB Andrejem Kościnym u Padmaskoŭi i ŭ Sočy. Krynica: kremlin.ru
Krynicy vydańnia, znajomyja z hrafikam Pucina, tłumačać, što ŭłady čakali druhuju chvalu karanavirusa, i žychary Rasii pavinny dumać, što jon znachodzicca ŭ Maskvie ci pobač ź joj.
Pres-sakratar prezidenta RF Dźmitryj Piaskoŭ nie adkazaŭ na pytańni «Prajekta».
