Minabarony Armienii zajaviła, što ŭzbrojenyja siły Azierbajdžana pačali nastup u Nahornym Karabachu. Da hetaha pra ataku azierbajdžanskich vajskoŭcaŭ i traich paranienych paviedamlali ŭ niepryznanaj respublicy.
«12 śniežnia azierbajdžanski bok adnaviŭ nastupalnyja dziejańni ŭ napramku nasielenych punktaŭ Chin Tahłar i Chcabierd respubliki Arcach [niepryznanaja Nahorna-Karabachskaja Respublika]. Armija abarony pradprymaje adpaviednyja dziejańni», — adznačajecca ŭ paviedamleńni Minabarony Armienii.
Chin Tahłar i Chcabierd — dźvie armianskija vioski-ankłavy, u toj čas jak usia astatniaja Hadruckaja vobłaść zaraz znachodzicca pad kantrolem Azierbajdžana.
Prezident Azierbajdžana Ilcham Alijeŭ u adkaz zajaviŭ, što parušeńnie režymu było spravakavana armianskim bokam. Minabarony krainy taksama paviedamiła, što ŭ adkaz na pravakacyju byli zroblenyja «adekvatnyja miery ŭ adkaz» i što ciapier režym spynieńnia ahniu znoŭ vykonvajecca.
