U vakolicach nasielenaha punkta Hadrut u Nahornym Karabachu praviedziena antyterarystyčnaja apieracyja. Ab hetym paviedamiła Minabarony Azierbajdžana ŭ svaim Telegram-kanale.
U viedamstvie adznačyli, što armianskija sałdaty nie pakinuli terytoryju Karabacha ŭ rajonie Hadruta i ździejśnili niekalki dyviersij.
«U vyniku zahinuli čatyry i byli paranienyja dvoje vajskoŭcaŭ, a taksama paranieny adzin cyvilny. Słužba dziaržaŭnaj biaśpieki Azierbajdžana była vymušana pravieści antyterarystyčnuju apieracyju», — havorycca ŭ paviedamleńni.
U vajennym viedamstvie taksama zapatrabavali ad armianskaha boku vykanańnia pałažeńniaŭ trochbakovaj zajavy lidaraŭ Rasii, Azierbajdžana i Armienii, a taksama spynieńnia pravakacyj u Karabachu.
Raniej stała viadoma ab pierastrełcy, jakaja zdaryłasia na Hadruckim kirunku pamiž vajskoŭcami NKR i Azierbajdžana. Baki abvinavacili adzin adnaho ŭ pravakacyjach.