Zatrymanuju supracoŭnikami HUBAZiKa 14 śniežnia ŭ Minsku administratarku telehram-čataŭ «Kontrol avtozakov Minsk» i «Čat łoškov-pietuškov» 25-hadovuju Hannu Alenskuju sud Savieckaha rajonu aryštavaŭ na 15 sutak za ŭdzieł u akcyi 25 kastryčnika. Dziaŭčyna ciapier znachodzicca ŭ izalatary časovaha ŭtrymańnia na Akreścina, paviedamlajuć pravaabaroncy.
Hannu Alenskuju zatrymali 14 śniežnia. Pra heta stała viadoma z telegram-kanał HUBAZiKa, jaki apublikavaŭ videa jaje dopytu, dzie Hanna kaža, što «jana administryravała telehram-čaty. Pa infarmacyi viedamstva, doma ŭ dziaŭčyny prajšoŭ pieratrus. U internecie byli apublikavany fotazdymki kvatery Hanny niby paśla pieratrusu.
Praź niekalki dniej paśla zatrymańnia stała viadoma, što jaje asudzili pavodle č. 1 art. 23.34 KaAP za ŭdzieł u maršy «Narodny ŭltymatum» 25 kastryčnika. Spravu Hanny Alenskaj razhladała sudździa suda Savieckaha rajona Alena Žukovič.
Dziaŭčyna całkam pryznała vinu i pahadziłasia z pratakołam.
Sud Savieckaha rajona 16 śniežnia na padstavie pratakołu, pakazańniaŭ samoj Hanny i śviedki-milicyjanta aryštavaŭ Hannu Alenskuju na 15 sutak.
Pa stanie na 18 śniežnia dziaŭčyna znachodziłasia ŭ izalatary časovaha ŭtrymańnia na Akreścina.
