Padviedzieny vyniki ŭstupnaj kampanii ŭ licej Biełaruskaha dziaržaŭnaha univiersiteta. Siaredni konkurs skłaŭ 3,5—4 čałavieki na miesca.
Jak paviedamlaje pres‑słužba BDU, pryjomnyja ispyty prachodzili 10, 17 i 24 maja. Na 240 miescaŭ u 10‑ia kłasy pretendavali 1.004 čałavieki (kala 4 čałaviek na miesca).
Najbolš papularnym staŭ fiłałahičny kirunak — 193 čałavieki na 40 miescaŭ (4,8 čałavieki na miesca),
zatym iduć histaryčny — 122 čałavieki na 40 miescaŭ (3,5); fizika‑matematyčny — 289 čałaviek na 100 miescaŭ (2,89) i chimika‑bijałahičny — 148 čałaviek na 60 miescaŭ (2,46).
Paśla zdačy dvuch ispytaŭ prachadny bał (z 200) skłaŭ: 106 — na chimika‑bijałahičnym; 111 — na fiłałahičnym; 102 — na fizika‑matematyčnym; 86 — na histaryčnym kirunku.
U 11‑ia štrych kłasy na 240 miescaŭ pretendavaŭ 841 čałaviek. Prachadny bał skłaŭ 99 z 200. Kali budučyja dziesiacikłaśniki zdavali dva ŭstupnyja ispyty, to ŭ dadzienym vypadku abituryjentam treba było prajści ahulnaadukacyjny test, jaki ŭklučaje pytańni pa vaśmi školnych dyscyplinach. U ahulny zalik vybiralisia lepšyja vyniki pa čatyroch pradmietach.
Aprača tych, chto ŭdała prajšoŭ ustupnuju kampaniju, da zaličeńnia bieź isptaŭ rekamiendavanyja 33 pieramožcy respublikanskich alimpijad (6 čałaviek u 10‑ia kłasy i 27 — u 11‑ia štrych kłasy). Dźvie treci budučych liceistaŭ składajuć minčanie.
Zaličeńnie ŭ licej BDU adbudziecca paśla 26 červienia.
