U telehram-kanale Viktara Babaryki apublikavany jaho navahodni zvarot da biełarusaŭ ź SIZA KDB
«U hetyja kazačnyja, čaroŭnyja i dobryja dni, Novy hod i Kalady, ja chaču źviarnucca da ŭsich sa słovami vialikaj udziačnaści za toje, što vy:
— aśviatlili hety hod dabrynioj i ščyraściu svajoj dušy, niezaležna ad uzrostu i svajho stanovišča, ad studentaŭ da nievierahodna maładych i zadornych piensijanieraŭ;
— pakazali svaju luboŭ da ŭsich ludziej, da svajoj krainy, nie pabajaŭšysia pahroz, hvałtu i nianaviści, jakimi vas za heta «ŭznaharodziła» sistema ŭłady;
— achviaravali svaim dabrabytam, niekatoryja — asabistaj svabodaj, i navat kryvioju i žyćciom dziela samaha kaštoŭnaha, što jość u čałavieku: pačućcia ŭłasnaj hodnaści, pavahi i svabody;
— pieraadoleli chłuśniu, nianaviść i strach, jakimi na praciahu niekalkich dziesiacihodździaŭ atručvali vašy dušy i rozum, i stali ŭ łancuh salidarnaści, praŭdy i dabra;
— pajšli z kvietkami ŭ rukach i ŭśmieškami dabra na tvary da zakutych u braniu i schavanych pad maskami ad strachu i soramu uzbrojenych «achoŭnikaŭ paradku»;
— nie spynilisia ŭ svaim žadańni kazać praŭdu i pastupać pa sumleńni;
— pakazali svajo žadańnie žyć u krainie, adkrytaj dla ŭsich, a nie akružanaj «vorahami» i adłučanaj ad usiaho astatniaha śvietu.
Vy — sapraŭdnaja kaštoŭnaść i sapraŭdny tvar Biełarusi i biełarusaŭ. Zastavajciesia ludźmi, jakija šukajuć śviatło dabra i lubovi, hatovymi zmahacca za svajo ščaście, za budučyniu svaich dziaciej i ŭnukaŭ, za honar i hodnaść čałavieka, za prava «ludźmi zvacca», — kaža Viktar Babaryka.
-
Navošta Łukašenku «prezidencki bal» — takaja demanstratyŭnaja i krychu archaičnaja, seksisckaja pa formie tradycyja?
-
Radzina rezka adkazała Chalezinu: Nieŭźlin — moj siabar, jaki šmat zrabiŭ dla raźvićcia demakratyi ŭ mnohich krainach
-
Šrajbman adkazvaje, ci mohuć pieramovy pa Ukrainie prajści ŭ Biełarusi
Kamientary