Maksim Vierchahien.
Jak paviedamiła MZS Karaleŭstva Niderłandaŭ, ministr Maksim Vierchahien zaprasiŭ na nastupnym tydni ŭ viadomy park atrakcyjonaŭ Dziojnreł dziciačuju hrupu ź Biełarusi. Heta 30 dziaŭčynak i chłopčykaŭ ź dźviuch biełaruskich viosak za 70 kiłamietraŭ ad Čarnobylskaj AES.
Hetymi dniami dzieci prybyli na adpačynak u hałandzkija siemji.
Pry kancy krasavika ŭrad Niderłandaŭ padpisaŭ dvuchbakovyja pahadnieńni ź Minskam nakont zamiežnaha azdaraŭleńnia čarnobylskich dziaciej. Adnak abmiežavańni dla vyjezdu na adpačynak u Niderłandy dla niepaŭnaletnich biełarusaŭ usio ž isnujuć — trapić u znajomyja siemji mohuć dziaŭčatki i chłopčyki, nie starejšyja za 14 hadoŭ, pryčym nie bolej jak try razy.
Mnohija hałandcy źviarnulisia da MZS krainy z zaklikam zrabić usio, kab źniać hetyja abmiežavańni.
Pavodle Vierchahiena, čarnobylskija inicyjatyvy Niderłandaŭ majuć šyrokuju i ščyruju padtrymku z boku svajho ŭradu i hramadckaści.
«Ja miarkuju, što dziciačyja intaresy pavinny być na pieršym miescy», — zajaviŭ ministar.