Staršynia Partyi BNF Lavon Barščeŭski 25 traŭnia padpisaŭ zahad «Ab praviadzieńni ahulnaha schodu siabroŭ (aktyvu) Partyi».Meta schodu — umacavańnie ŭnutrypartyjnaj demakratyi i stvareńnie bolš spryjalnych umovaŭ dla vykanańnia raniej pryniatych partyjnych rašeńniaŭ.
Barščeŭski zahadaŭ 20 červienia pravieści ŭ Minsku ahulny schod z abaviazkovaj rehistracyjaj z ukazańniem numaroŭ partyjnych paśviedčańniaŭ. U jakaści abaviazkovych buduć razhledžanyja nastupnyja pytańni:
1) Ab udziele Partyi BNF u nastupnaj prezidenckaj kampanii i ŭzajemadačynieńniach ź inšymi palityčnymi subjektami; 2) Ab papiarednim vyznačeńni kandydata ad BNF u nastupnyja prezidenckija vybary.
U jakaści fakultatyŭnych pytańniaŭ: 1) Udzieł Partyi BNF u Kanhresie «Za jeŭrapiejskija kaštoŭnaści», što budzie pravodzić Mikoła Statkievič; 2) Prezientacyja prahramaŭ budučych kandydataŭ na pasadu staršyni Partyi BNF.
Miesca dla zboru pavinien znajści namieśnik staršyni Partyi BNF Viktar Ivaškievič.
Schod projdzie pierad samym Kanhresam jeŭrapiejskich siłaŭ. Viadoma, što viarchoŭka BNF u vyhladzie Barščeŭskaha, Viačorki i Ivaškieviča padtrymali inicyjatyvu Statkieviča, ale sutyknulisia ź niepryniaćciem hetaj idei partyjnym aktyvam. Na schodzie i pavinna być vyrašana hetaja prablema.
Juryst i adkazny sakratar upravy BNF Uładź Łabkovič ličyć, što zahad Barščeŭskaha parušyŭ šerah pałažeńniaŭ Statutu Partyi, i zaklikaŭ staršyniu BNF admianić svajo rašeńnie.
Barščeŭski ž maje namier hnuć svaju liniju nadalej.
