Dźmitryj Hopta ŭ sudzie
Spravu razhladaje sudździa Iryna Pradun. Dziaržabvinavaŭca — prakuror Anoška, paviedamlaje spring96.org.
Zhodna z materyjałami spravy Jaŭhien Kachanoŭski z 9 pa 11 žniŭnia 2020 hoda ŭ viačerni i načny čas u metach vykanańnia publičnych zaklikaŭ da destruktyŭnaj dziejnaści, raźmieščanych na roznych internet-resursach, sumiesna ź inšymi hramadzianami na centralnych vulicach Žłobina padčas niesankcyjanavanych masavych mierapryjemstvaŭ admoviŭsia ad vykanańnia zakonnych patrabavańniaŭ pradstaŭnikoŭ ułady.
Pry hetym jon ruchaŭsia ŭ składzie hrupy asob pa prajeznaj častcy «ŭ sčepcy», što pryviało da źmieny maršrutaŭ ruchu rejsavych aŭtobusaŭ.
Paśla abvinavačany ŭžyŭ hvałt da supracoŭnikaŭ milicyi — nanios udary nahami i rukami pa ich achoŭnym abmundziravańni i ščytach, a taksama kinuŭ u ich kamiani, butelki i inšyja pradmiety.
Akramia taho, Kachanoŭski sumiesna ź inšymi ŭdzielnikami masavych mierapryjemstvaŭ kinuŭ kamiani ŭ transpart, u jakim znachodzilisia supracoŭniki pravaachoŭnych orhanaŭ. U vyniku takich supraćpraŭnych dziejańniaŭ byli paškodžanyja try aŭtamabili, u tym liku śpiectranspart, što paciahnuła za saboj pryčynieńnie škody na 320 i na 840 rubloŭ.
Prakuratura Homielskaj vobłaści pradjaviła ŭ sud pazoŭ ab spahnańni ź jaho ŭ intaresach UUS Homielskaha abłvykankama i adździeła adukacyi Žłobinskaha rajvykankama.
Jaŭhiena Kachanoŭskaha zatrymali 27 žniŭnia. Da suda znachodziŭsia ŭ SIZA №3 Homiela. Dźmitryj Hopta da suda znachodziŭsia pad padpiskaj ab niavyjeździe.
Napačatku sudovaha pracesu biespadstaŭna zabaraniali fatahrafavać žurnalistcy Łarysie Ščyrakovaj, navat sprabavali vydalić z sudovaj zały.
«Znachodzilisia ŭ natoŭpie, śviścieli, kryčali łozunhi, špurlanuli ŭ milicejskuju hazel i MAZ z vajskoŭcami niekalki kamianioŭ». Nanieśli škodu aŭtamabilam na sumu 320 i 840 rubloŭ», — ahučvaje abvinavačvańnie prakuror Anoška.
Jaŭhien Kachanoŭski svajoj viny nie pryznaje, kaža: chadziŭ, prahulvaŭsia, u vušach byli navušniki, tamu, pra što papiaredžvali ludziej milicyjanty, nie čuŭ, kamiani nie kidaŭ.
Sudździa čytaje pakazańni Kachanoŭskaha dalej:
«Razam z natoŭpam kryčaŭ «Žyvie Biełaruś». Što heta aznačaje, nie viedaju. Kinuŭ kamień u milicejski transpart. Pieraličvaje kala 10 pryjacielaŭ. Niejki mužčyna padyšoŭ da mianie i spytaŭ, ci ja mitynhuju i daŭ 25 rubloŭ. Skazaŭ špurlać u milicyjantaŭ kamiani. Ja špurlanuŭ u milicejski transpart».
Na nastupnym dopycie Jaŭhien Kachanoŭski źmianiŭ pakazańni i admaŭlajecca, što špurlaŭ kamiani i jamu niechta davaŭ hrošy za ŭdzieł u mitynhu. Daŭ pieršyja pryznalnyja pakazańni, tamu što supracoŭnik cisnuŭ i mocna kryčaŭ na jaho i pahražaŭ.
Kachanoŭski skazaŭ, što na jaho kryčaŭ, cisnuŭ i ŭdaryŭ supracoŭnik kryminalnaha vyšuku Kisialoŭ. Kali jon niešta kazaŭ, što nie padabałasia milicyjantam, jany davali jamu padzatylniki. Kab jaho nie bili, jon ahavorvaŭ siabie i inšych asobaŭ. Ad pabojaŭ zastalisia siniaki. Takim čynam da jaho vykarystali fizičny i psichałahičny cisk.
Kisialoŭ, sa słoŭ Kachanoŭskaha, prychodziŭ da jaho ŭ izalatar i prasiŭ nie admaŭlacca ad pryznalnych pakazańniaŭ.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)