Murał Siarhieja Prytyckaha kala mietro Puškinskaja źjaviŭsia ŭ 2019-m ź inicyjatyvy BRSM.
Praz hod jon mocna źmianiŭsia ad nasłajeńniaŭ farby. Kamunalniki pieramalavali fon ź biežava-ružovaha na jadrany miatna-zialony, źnik podpis Prytyckaha i blamba BRSM. Prytyckamu pry zamaloŭvańni padstryhli kučary i abrezali kašulu. Piatlički z čyrvonych stali šerymi, źmianiŭsia i koler tvaru.
Siarhiej Prytycki — heta teraryst-kamunist, jaki ŭ 1936-m stralaŭ u pravakatara siłavikoŭ u zale suda. Zachodniaja Biełaruś była ŭ toj čas akupavanaja Polščaj, jakaja ŭ 1930-ch pieratvaryłasia ŭ aŭtarytarnuju dziaržavu. Prytyckamu prysudzili śmiarotnaje pakarańnie, ale prysud zamianili pažyćciovym źniavoleńniem. U vieraśni 1939-ha Prytycki vyjšaŭ na volu, a paśla vajny byŭ staršynioj Prezidyuma Viarchoŭnaha Savieta BSSR.
Minsk adroźnivajecca ad inšych stalic Jeŭropy mizernaj kolkaściu stryt-artu. U Biełarusi hrafici ličacca niezakonnaj tvorčaściu, na stvareńnie ich treba brać dazvoł u vykankama.
