Maksim Znak. Fota Nadziei Bužan
Śviatłana nakiravała aficyjny list na adras kamiteta premii imia Ludovika Trarje. Heta samaja prestyžnaja premija ŭ halinie pravoŭ čałavieka. Jaje atrymlivali Nelsan Mandeła, Karyna Maskalenka i inšyja viadomyja pravaabaroncy. Cichanoŭskaja i štab Babaryki ŭpeŭnienyja, što Maksim Znak, jaki znachodzicca za kratami z 9 vieraśnia, zasłužyŭ prava być u adnym śpisie z hetymi ludźmi.
«Praca advakata ŭ Biełarusi supravadžajecca pahrozaj pazbaŭleńnia licenzii. Ale Maksim, razumiejučy heta, dałučyŭsia da štaba Viktara Babaryki. Jon staŭ pieršym advakatam, jaki pa davieranaści padaŭ u CVK zajavu ab rehistracyi kandydatam u prezidenty źniavolenaha Viktara», — zaznačaje Cichanoŭskaja.
Paśla vybaraŭ Maksim uvajšoŭ u prezidyum Kaardynacyjnaj rady i padaŭ skarhu ŭ Viarchoŭny Sud, prykłaŭšy 25 tečak z dokazami falsifikacyj vynikaŭ. Heta nie tolki vyklučny krok pa adstojvańni pravoŭ i svabod hramadzian, ale i asabistaja mužnaść Maksima — jon viedaŭ, što za heta ŭ luby momant jaho mohuć aryštavać.
«Ja ŭpeŭnienaja, što Maksim Znak — mienavita toj čałaviek, jaki zasłužyŭ pryznańnie za svoj prafiesijanalizm. I, jak i sotni ludziej, jakija apynulisia ŭ turmie za svaju śmiełaść, jon pavinien być vyzvaleny bieź jakich-niebudź umoŭ», — padkreśliła Śviatłana Cichanoŭskaja.
