«U suviazi z pastupleńniem u Hienieralnuju prakuraturu šmatlikich zvarotaŭ hramadzian pa pytańniach adniasieńnia bieł-čyrvona-biełaha ściaha da ekstremisckaj simvoliki paviedamlajecca nastupnaje. Pryznańnie materyjałaŭ ekstremisckimi ažyćciaŭlajecca sudom u adpaviednaści z Zakonam Respubliki Biełaruś «Ab supraćdziejańni ekstremizmu», — havorycca ŭ zvarocie.
Nahadajem, raniej Hienieralnaja prakuratura anansavała, što rychtujecca pakiet dakumientaŭ ab pryznańni bieł-čyrvona-biełaha ściaha ekstremisckim.
Patłumačyli ŭsio heta tym, što ŭ viedamstva pastupiła bolš za sotniu zvarotaŭ ad hramadzian z prośbaj pryraŭnavać bieł-čyrvona-bieły ściah, «jaki ŭ hady vajny staŭ simvałam źvierstvaŭ na biełaruskaj ziamli», da ekstremisckaj simvoliki.
«U Hienieralnuju prakuraturu pastupiŭ kalektyŭny zvarot, pad jakim padpisalisia bolš za sotniu hramadzian z prośbaj ab pryznańni bieł-čyrvona-biełaha ściaha ekstremisckim. Z ulikam raniej praviedzienaj Hienieralnaj prakuraturaj raboty pa ŭdaskanaleńni zakanadaŭstva ab procidziejańni ekstremizmu ciapier my rychtujem pakiet dakumientaŭ ab pryznańni ekstremisckimi bieł-čyrvona-biełaha ściaha i inšaj simvoliki», — paviedamiła aficyjny pradstaŭnik Hienprakuratury Biełarusi Anžalika Kurčak.
