Na sud pryjšoŭ pasoł Šviejcaryi. Fota Nadziei Bužan
19 vieraśnia Natallu zatrymali paśla ŭdziełu ŭ žanočym maršy. Jana supraciŭlałasia i ściahnuła ź siłavika bałakłavu, što rascanili jak supraciŭ rabotniku milicyju z prymianieńniem hvałtu.
Na Chierše zaviali kryminalnuju spravu, 7 śniežnia sudździa Siarhiej Šaciła ahučyŭ vyrak: 2,5 hady kałonii.
Sudovaja kalehija pa kryminalnych spravach Minharsuda 16 lutaha razhladzieła apielacyju Chierše na prysud suda Savieckaha rajona.
Pierad pracesam Natalla prasiła, kab joj dazvolili ŭdzielničać u pasiadžeńni, a taksama — kab jaje pravieryli na palihrafie. Ale ž hetyja chadajnictvy adchilili. Adpaviedna, sama Chierše na pasiadžeńni nie prysutničała.
Sud začytaŭ prośby Natalli ab spynieńni spravy, vysłuchaŭ arhumienty jaje advakataŭ, jakija ŭkazali na nieadnaznačnyja momanty ŭ spravie i paprasili chacia b źmianić prysud na nie źviazany z pazbaŭleńniem voli.
Ale ničoha niečakanaha — prysud Savieckaha rajona pakinuli bieź źmien. Natalla Chierše zastaniecca ŭ kałonii.
«U Šviejcaryi ŭ jaje było cudoŭnaje žyćcio, ale jana ličyła, što ciapier musić być na radzimie». Chto takaja Natalla Chierše, jakuju pasadzili za sarvanuju bałakłavu
