Skrynšot ź videa.
Miehan padzialiłasia, što žyćcio ŭ karaleŭskaj siamji było nastolki izalavanym i samotnym, što ŭ jaje pačali źjaŭlacca dumki pra suicyd, piša CNN.
Pa słovach Markł, joj było soramna skazać pra heta mužu, ale jana ŭśviedamlała, što kali nie pryznajecca, to skončyć žyćcio samahubstvam.
Miehan adznačyła, što, niahledziačy na dobryja adnosiny ź Lizavietaj ll, jana nikoli nie adčuvała padtrymki ad pradstaŭnikoŭ karaleŭskaj siamji.
Miehan zabaraniali źjaŭlacca na publicy praz publikacyi ŭ brytanskich tabłoidach paśla kanfliktu z Kiejt Midłtan, hiercahiniaj Kiembrydžskaj. Tady Miehan abvinavačvali ŭ tym, što jana daviała hiercahiniu da śloz, adnak usio było naadvarot, pra što viedali ŭ karaleŭskaj siamji, ale nie zastupilisia za Markł.
Hary raspavioŭ u intervju pra adnosiny ź siamjoj paśla taho, jak jany ź Miehan adyšli ad karaleŭskaj siamji. Kali para rychtavałasia da pierajezdu, to jaho baćka, prync Čarlz, nie adkazvaŭ na telefanavańni syna. Ciapier jany adnavili adnosiny, ale, pa słovach Hary, u ich adnosinach «jość nad čym pracavać».
Kali Miehan upieršyniu była ciažarnaja, to niekatoryja pradstaŭniki karaleŭskaj siamji pačali abmiarkoŭvać, nakolki ciomnym budzie koler skury dziciaci. Prync Hary paćvierdziŭ heta, ale nie staŭ raskryvać imiony. Jon adznačyŭ, što byŭ šakavany hetym prajaŭleńniem rasizmu.
Taksama Markł paviedamiła, što ich synu Arčy admovili ŭ tytule prynca, tamu jon nie atrymaŭ achovu, što supiarečyć tradycyjam karaleŭskaj siamji.
U toj ža čas Hary i Miehan padzialilisia radasnaj navinoj, što čakajuć naradžeńnia dački hetym letam.
Brytanskija ŚMI ŭ cełym aceńvajuć vykazvańni Hary i Miehan jak niepryhožyja i ehaistyčnyja, skiravanyja na toje, kab pryciahnuć da siabie ŭvahu.
