Sudździa Volha Niaborskaja padtrymała pazicyju abvinavačańnia i pakarała žančynu dvuma hadami abmiežavańnia voli z nakiravańniem u papraŭčuju ŭstanovu adkrytaha typu. Mienavita taki prysud zaprasiŭ prakuror Viktar Zavadzič padčas sprečak bakoŭ.
Nahadajem, pavodle abvinavačvańnia Śviatłana Braciankova pryniała aktyŭny ŭdzieł u niekalkich niesankcyjanavanych masavych mierapryjemstvach — 16 žniŭnia, 23 žniŭnia i 6 vieraśnia, dzie hučna plaskała ŭ ładki, vychodziła na prajeznuju častku i pieraškadžała ruchu hramadskaha transpartu pa vulicach Niamiha, Vaładarskaha, Lenina, praśpiekcie Niezaležnaści, čym hruba parušyła hramadski paradak i spakoj hramadzianaŭ. Jaje dziejańni byli kvalifikavanyja pa č. 1 art. 342 Kryminalnaha kodeksa. Pra zaviadzieńnie kryminalnaj spravy daviedałasia z dasłanaha pa pošcie lista.
Svaju vinu žančyna nie pryznała.
