MUS paviedamlaje pra zatrymańnie «terarysta», jaki zakłaŭ vybuchoŭku ŭ śmietnicu, i źviazvaje jaho z «Bajpołam»
Nočču ŭ Piečach apieratyŭniki HUBAZiKa zatrymali 35-hadovaha žychara Pinskaha rajona, paviedamlaje tielehram-kanał MUS.
U apublikavanym videaroliku śćviardžajecca, što mužčyna mieŭ namier ździejśnić terarystyčny akt u miascovaj vajskovaj častcy, a jašče adzin — u Minsku, zakłaŭšy vybuchoŭku ŭ śmietnicu na vulicy Ubareviča.
Na videa byli prademanstravanyja pradmiety, nazyvanyja «vybuchovymi pryładami» i pryznańnie zatrymanaha — jon kazaŭ, što atrymaŭ ukazańnie ździejśnić terakt na Dzień Voli ad pradstaŭnika «Bajpoła». Ad kaho kankretna — jon nie viedaje, «jany nie pradstaŭlalisia».
Śćviardžeńnie ab datyčnaści «Bajpoła» paŭtaryŭ u kamientary namieśnik ministra ŭnutranych spraŭ Hienadź Kazakievič. Nijakich dakumientaŭ u paćvierdžańnie hetaha nie pryvodzicca.
Nijak nie tłumačycca, čamu mienavita na śmietnicy ŭ Čyžoŭcy mieŭsia adbycca terakt.
Kamientary