Łukašenka i Pucin siońnia praviali «vielmi nasyčanuju» paŭtarahadzinnuju telefonnuju razmovu, paviedamlaje pres-słužba Łukašenki.
«Adnoj z hałoŭnych tem, jakuju abmierkavali prezidenty, stała epidemijałahičnaja situacyja. Siońnia ŭžo hałoŭny akcent — na vakcynacyi nasielnictva i vytvorčaści vakcyn. Heta pazityŭny prykład ciesnaha ŭzajemadziejańnia dźviuch krain, taja śfiera, dzie supracoŭnictva Biełarusi i Rasii ciapier źjaŭlajecca najbolš praduktyŭnym», — adznačyli ŭ pres-słužbie.
Dalej Alaksandr Łukašenka i Uładzimir Pucin zakranuli ŭnutrypalityčnuju abstanoŭku ŭ dźviuch krainach.
Havorka išła ab prapracoŭcy mierapryjemstvaŭ u sajuznym farmacie.
Akramia taho, Alaksandr Łukašenka i Uładzimir Pucin nadali ŭvahu dziejnaści Pastajannaha kamiteta Sajuznaj dziaržavy. Išła havorka pra ŭzmacnieńnie jaho roli i pavyšeńnie efiektyŭnaści raboty.
Temaj razmovy stali kroki, jakija treba zrabić pa adnaŭleńni poŭnafarmatnych transpartnych znosin pamiž krainami, asabliva čyhunačnych.
Razmova išła ab raźvićci handlova-ekanamičnaha supracoŭnictva ŭ cełym.
