Prezident Rasii Uładzimir Pucin padpisaŭ zakony ab uzmacnieńni administracyjnaj i kryminalnaj adkaznaści za reabilitacyju nacyzmu, u adpaviednaści z dakumientam praduhledžana pazbaŭleńnie voli na termin da piaci hadoŭ i štraf da 66 tysiač dalaraŭ za «publičnuju abrazu vieteranaŭ».
Zakonam u Kryminalny kodeks Rasii ŭniesiena papraŭka ab tym, što publičnaje admaŭleńnie faktaŭ, ustanoŭlenych prysudam Niurnbierhskaha trybunała, raspaŭsiudžvańnie zaviedama łžyvych źviestak ab dziejnaści SSSR u hady Druhoj suśvietnaj vajny, pra vieteranaŭ Vialikaj Ajčynnaj vajny karajucca štrafam albo pazbaŭleńniem voli na termin da troch hadoŭ.
U adpaviednaści z zakonam, kali takija vykazvańni abo źviestki raspaŭsiudžvalisia praź ŚMI i internet abo sa štučnym stvareńniem dokazaŭ abvinavačvańnia, vykarystańniem słužbovaha stanovišča, to suma štrafu składzie da 66 tysiač dalaraŭ, a maksimalny termin pazbaŭleńnia voli — da piaci hadoŭ.
