Pa jaho słovach, spačatku zmoŭniki płanavali likvidacyju padčas paradu na 9 Maja, ale jany admovilisia ad hetaj idei jak nierealnaj.
Zatym razhladaŭsia napad na prezidencki kartež. Dla hetaha miaciežnikami nibyta byli zakupleny i pryviezieny ŭ Biełaruś hranatamioty. «Adnak ažyćciavić taki scenar u ich by taksama nie atrymałasia: u metach biaśpieki aŭtamabili ŭ kartežy pierasoŭvajucca na vialikaj chutkaści, i vierahodnaść patrapić u ich vielmi małaja», — piša BiełTA.
Pa trecim scenary, uzbrojenyja ludzi pavinny byli napaści na zaharadnuju rezidencyju Łukašenka. Na źniščeńnie rezidencyi razam z Łukašenkam pryznačałasia $10 młn, a na snajpiera — $1 młn. «Heta my bačyli daŭno ŭžo. Vy dumajecie, my hetuju apieracyju ŭ Maskvie praviali z buchty-barachty? My za imi sačyli, jany pavinny byli pryjechać u Minsk i pravieści hetuju apieracyju. Ale jak tolki vyjšaŭ hety film, jany prycisnuli vušy: «Nie, u Minsk nie pajedziem. Kudy? U Maskvu». My kantralavali ich kožny krok», — skazaŭ Łukašenka.
