Na apaviaščeńni źviarnuŭ uvahu ekśpiert u śfiery technałohij Aškan Sałtani. «I heta pačynajecca. Facebook i Instagram vyvučajuć taktyki zapałochvańnia ŭ bitvie z Apple na abnaŭleńni dla iOS14», — napisaŭ Sałtani ŭ Twitter.
Apaviaščeńni stali atrymlivać uładalniki iPhone, jakija abnavili svaje telefony da viersii iOS 14.5. U joj praduhledžvajecca, što kožny dadatak, jaki zachoča atrymać dostup da aktyŭnaści karystalnikaŭ, pavinien zapytać u ich dazvoł na zbor źviestak.
«Dapamažycie zachavać Facebook biaspłatnym», — havorycca ŭ paviedamleńni ad sacyjalnaj sietki, u jakim jana prosić karystalnika dać dostup da asabistaj infarmacyi ź inšych dadatkaŭ i veb-sajtaŭ. Anałahičnaja prośba źjaviłasia i ŭ Instagram.
Abnaŭleńnie apieracyjnaj sistemy ad Apple z novaj palitykaj pryvatnaści vyjšła ŭ kancy krasavika. Źmieny pa-raniejšamu dazvalajuć dadatkam u rekłamnych metach źbirać piersanalnuju infarmacyju ź inšych dadatkaŭ biez dazvołu karystalnikaŭ. Adnak u hetym vypadku jaje zabaroniena pieradavać trecim asobam.
Kab adsočvać aktyŭnaść karystalnikaŭ i dzialicca joj sa svaimi partniorami, raspracoŭščyki pavinny atrymać vidavočny dazvoł ad uładalnika pryłady.
U Facebook da novaŭviadzieńniaŭ pastavilisia krytyčna, zajaviŭšy, što novyja aśpiekty palityki pryvatnaści mohuć nanieści škodu pradstaŭnikam małoha biznesu, jakija vykarystoŭvajuć tarhietavanuju rekłamu sacsietki dla achopu klijentaŭ.
U 2019 hodzie Facebook prybrała z hałoŭnaj staronki svoj raniejšy słohan «It's free, and always will be» («Heta biaspłatna, i tak budzie zaŭsiody»). Jaho zamianili novym - «Rehistracyja. Chutka i lohka «(Sign up. It's quick and easy). Pry hetym u praviłach sacsietki havorycca: «My nie harantujem, što płatforma zaŭsiody budzie biaspłatnaj».
U 2018 hodzie zasnavalnik Facebook Mark Cukierbierh, jaki davaŭ pakazańni ŭ Sienacie ZŠA, nie vyklučyŭ stvareńnie płatnaj viersii sacyjalnaj sietki, u jakoj nie budzie rekłamy.
