Ekśpierty pastajannaj kamisii pa vakcynacyi Hiermanii ličać vysokaj imaviernaść taho, što hramadzianam pryjdziecca paŭtarać kurs pryščepak ad kavidu, paviedamlaje DW.
Druhi etap masavaj vakcynacyi ludziam spatrebicca nie paźniej za 2022 hod.
Voś što skazaŭ kiraŭnik kamisii Tomas Miertens: «Virus nie sydzie ad nas. Tamu ciapierašnija pryščepki ad karanavirusa buduć nie apošnimi. Treba być hatovymi da taho, što ŭ budučym hodzie, mahčyma, usim nam daviadziecca aśviažyć pryščepku».
Pa słovach ekśpierta Sacyjał-demakratyčnaj partyi Hiermanii pa pytańniach achovy zdaroŭja, byłoha epidemijołaha Karła Łaŭterbacha, imunnaja abarona paśla pryščepki trymajecca paŭhoda. Mienavita tamu moža spatrebicca paŭtor vakcynacyi.
U vypadku ž, kali pačnuć raspaŭsiudžvacca mutavanyja štamy, suprać jakich ciapierašnija vakcyny buduć małaefiektyŭnymi, to pačać rabić pryščepki abnoŭlenymi preparatami treba budzie ŭžo raniej.
