U sudzie Babrujskaha rajona 17 maja pačaŭsia sud nad staršynioj babrujskaj filii Biełaruskaha niezaležnaha prafsajuza Siarhiejem Hurło.
Mužčynu abvinavačvajuć u abrazie dvuch supracoŭnikaŭ milicyi i sudziać pavodle artykuła 369 Kryminalnaha kodeksa («Abraza pradstaŭnika ŭłady»), piša spring96.org.
Nibyta jon u kamientarach u sacyjalnych sietkach niehatyŭna vykazaŭsia ab supracoŭniku UUS Babrujskaha harvykankama i amapaŭca. Sud budzie prachodzić u zakrytym režymie.
Da suda mužčyna byŭ pad padpiskaj ab niavyjeździe i nierazhałošvańni tajamnicy śledstva.
30 krasavika stała viadoma, što Siarhiej Hurło nie budzie fihurantam spravy za «arhanizacyju masavych biesparadkaŭ», pra što jon atrymaŭ adpaviedny list.
Paśla 10 žniŭnia 2020 hoda jaho niekalki razoŭ zatrymlivali i pryciahvali da administracyjnaj adkaznaści za ŭdzieł u niesankcyjanavanych masavych mierapryjemstvach.
Kamientary